ပြည်ထောင်စုဝန်ကြီး ဦးမျိုးသန့် China Internatonal Trust and Investment Corporation (CITIC) Group Myanmar Co.,Ltd မှ တာဝန်ရှိသူများနှင့် တွေ့ဆုံဆွေးနွေး

ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်သည် China International Trust and Investment Corporation (CITIC) Group Myanmar Co.,Ltd မှ တာဝန်ရှိသူများနှင့် ဧပြီလ ၄ ရက်တွင် နေပြည်တော် ဆောက်လုပ်ရေး ဝန်ကြီးဌာန ပြည်ထောင်စုဝန်ကြီးရုံးဧည့်ခန်းမ၌ တွေ့ဆုံဆွေးနွေးခဲ့ရာ တွေ့ဆုံစဉ် ကျောက်ဖြူအထူးစီးပွားရေးဇုန်နှင့် ရေနက်ဆိပ်ကမ်းစီမံကိန်းလုပ်ငန်းများ အကောင် အထည်ဖော်ဆောင်ရွက်ရာတွင် အဓိကအရေးပါသည့် အခြေခံအဆောက်အဦများဖြစ် သည့် လမ်း၊ တံတားတည်ဆောက်ရေးဆိုင်ရာကိစ္စရပ်များ၊ စီမံကိန်းလုပ်ငန်းဆောင်ရွက် ပြီးစီးပါက ကုန်သွယ်မှုကဏ္ဍနှင့် ဝန်ဆောင်မှုလုပ်ငန်းများ ဖွံ့ဖြိုးတိုးတက်စေရုံသာမက ဒေသတွင်း၏ ပြည်သူများ၏ လူမှုစီးပွားဘဝမြှင့်တင်နိုင်မည့်အခြေအနေများ၊ မြန်မာ-တရုတ်နှစ်နိုင်ငံ ပူးပေါင်းဆောင်ရွက်၍ ဘုံအကျိုးစီးပွားတိုးတက်စေရေးအတွက် ဆောင်ရွက်နိုင်မည့် လုပ်ငန်းစဉ်များနှင့် စပ်လျဉ်း၍ ဆွေးနွေးခဲ့ကြပါသည်။

တွေ့ဆုံဆွေးနွေးပွဲသို့ ပြည်ထောင်စုဝန်ကြီးနှင့်အတူ အမြဲတမ်းအတွင်းဝန်၊ လမ်းဦးစီးဌာန၊ တံတားဦးစီးဌာနတို့မှ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြကြောင်းသိရှိရပါသည်။

သတင်းရင်းမြစ်။ (မြဝတီသတင်းစာ ၅-၄-၂၀၂၄)

• ပြည်ထောင်စုဝန်ကြီး ဦးမျိုးသန့်နှင့် China Internatonal Trust and Investment Corporation (CITIC) Group Myanmar Co.,Ltd မှ တာဝန်ရှိသူတို့ တွေ့ဆုံ၍ ကျောက်ဖြူအထူးစီးပွားရေးဇုန်နှင့် ရေနက်ဆိပ်ကမ်းစီမံကိန်းလုပ်ငန်းများ အကောင် အထည်ဖော်ဆောင်ရွက်ပြီးစီးပါက ကုန်သွယ်မှုကဏ္ဍနှင့် ဝန်ဆောင်မှုလုပ်ငန်းများ ဖွံ့ဖြိုးတိုးတက်စေရုံသာမက ဒေသတွင်း၏ ပြည်သူများ၏ လူမှုစီးပွားဘဝမြှင့်တင် နိုင်မည့်ခြေအနေများ၊ မြန်မာ-တရုတ်နှစ်နိုင်ငံ ပူးပေါင်းဆောင်ရွက်၍ ဘုံအကျိုးစီးပွား တိုးတက်စေရေးအတွက် ဆောင်ရွက်နိုင်မည့် လုပ်ငန်းစဉ်များနှင့် စပ်လျဉ်း၍ ဆွေးနွေးခဲ့။