ဒုတိယဝန်ကြီး ဗိုလ်ချုပ်တိုးရီ တရုတ်နိုင်ငံ ဟူနန်ပြည်နယ်အစိုးရအဖွဲ့ ဒုတိယဝန်ကြီးနှင့် ဟူနန်ပြည်နယ်ရဲတပ်ဖွဲ့မှူး ဦးဆောင်သော ကိုယ်စားလှယ်အဖွဲ့ကို လက်ခံတွေ့ဆုံ

         ပြည်ထဲရေးဝန်ကြီးဌာန ဒုတိယဝန်ကြီး ဗိုလ်ချုပ်တိုးရီသည် မြန်မာနိုင်ငံသို့ အလုပ်သဘော အလည်အပတ်ခရီးလာရောက်သည့် တရုတ်နိုင်ငံ ဟူနန်ပြည်နယ် အစိုးရအဖွဲ့ ဒုတိယဝန်ကြီးနှင့် ဟူနန်ပြည်နယ်ရဲတပ်ဖွဲ့မှူး Mr.Wang Yi Ou ဦးဆောင် သော ကိုယ်စားလှယ်အဖွဲ့ကို စက်တင်ဘာလ ၁၉ ရက်တွင် နေပြည်တော်ရှိ Horizon Lake View ဟိုတယ်၌ တွေ့ဆုံခဲ့ပါသည်။

တွေ့ဆုံစဉ် မြန်မာ-တရုတ်နှစ်နိုင်ငံ ရဲတပ်ဖွဲ့များအကြား နယ်စပ်ဒေသလုံခြုံရေး နှင့် တရားဥပဒေစိုးမိုးရေး၊ အကြမ်းဖက်မှုတိုက်ဖျက်ရေး၊ မူးယစ်ဆေးဝါးတားဆီးနှိမ် နင်းရေး၊ လူကုန်ကူးမှုတိုက်ဖျက်ရေး၊ ဆိုက်ဘာမှုခင်းနှင့် ဆက်သွယ်ရေးအသုံးပြု လိမ်ညာမှုများ တိုက်ဖျက်ရေးကဏ္ဍများတွင် ပူးပေါင်းဆောင်ရွက်မှုတိုးမြှင့်ရန်အတွက် ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြပါသည်။

တွေ့ဆုံပွဲသို့ မြန်မာနိုင်ငံရဲတပ်ဖွဲ့ ဒုတိယရဲချုပ်၊ ရဲဗိုလ်ချုပ် အောင်အောင်နှင့် အဆင့်မြင့်ရဲအရာရှိကြီးများ တက်ရောက်ခဲ့ကြကြောင်း သိရှိရပါသည်။

သတင်းရင်းမြစ်။ (မြဝတီသတင်းစာ ၂၀-၉-၂၀၂၃)

• ဒုတိယဝန်ကြီး ဗိုလ်ချုပ်တိုးရီသည် တရုတ်နိုင်ငံ ဟူနန်ပြည်နယ်အစိုးရအဖွဲ့ ဒုတိယ ဝန်ကြီးနှင့် ဟူနန်ပြည်နယ်ရဲတပ်ဖွဲ့မှူးအား လက်ခံတွေ့ဆုံ၍ နှစ်နိုင်ငံ ရဲတပ်ဖွဲ့များ အကြား နယ်စပ်ဒေသလုံခြုံရေးနှင့် တရားဥပဒေစိုးမိုးရေး၊ အကြမ်းဖက်မှုတိုက်ဖျက် ရေးကဏ္ဍများတွင် ပူးပေါင်းဆောင်ရွက်မှုတိုးမြှင့်ရန်အတွက် ဆွေးနွေးခဲ့။