ကမ္ဘောဒီးယားနိုင်ငံ အထက်လွှတ်တော်ဥက္ကဋ္ဌထံ သံအမတ်ကြီး ဦးကျော်စိုးမင်း ခန့်အပ်လွှာပေးအပ်

        ကမ္ဘောဒီးယားနိုင်ငံဆိုင်ရာ အထူးအာဏာကုန်လွှဲအပ်ခြင်းခံရသော ပြည်ထောင်စုသမ္မတမြန်မာနိုင်ငံတော် သံအမတ်ကြီး ဦးကျော်စိုးမင်းသည် ၎င်း၏ခန့်အပ်လွှာကို မတ်လ ၄ ရက်တွင် ကမ္ဘောဒီးယားနိုင်ငံ၊ ဖနောင်ပင်မြို့ရှိ အထက်လွှတ်တော်၌ ကမ္ဘောဒီးယားနိုင်ငံ ခေတ္တနိုင်ငံအကြီးအကဲ အထက်လွှတ်တော်ဥက္ကဋ္ဌ ဆမ်ဒတ်ဗီဘို ဆီနာဖရက်ကဒေးစိုင်းချုံမ်ထံသို့ ပေးအပ်ခဲ့ပြီးဖြစ်ကြောင်း သိရှိရပါသည်။

သတင်းရင်းမြစ်။ (မြဝတီသတင်းစာ ၅-၃-၂၀၂၄)

• ကမ္ဘောဒီးယားနိုင်ငံဆိုင်ရာ မြန်မာနိုင်ငံသံအမတ်ကြီး ဦးကျော်စိုးမင်းသည် ၎င်း၏ခန့်အပ်လွှာကို ကမ္ဘောဒီးယားနိုင်ငံ ခေတ္တနိုင်ငံအကြီးအကဲ အထက်လွှတ်တော် ဥက္ကဋ္ဌထံသို့ ပေးအပ်ခဲ့ပြီးဖြစ်။