ကျောက်ပန်းတောင်းမြို့နယ်၊ သံဘိုရွာရှိ ကျောက်ဖြစ်ရုပ်ကြွင်းများအား ကျောက်ဖြစ် ရုပ်ကြွင်းဝါသနာရှင်၊ ပညာရှင်များလာရောက်လေ့လာနိုင်

မန္တလေးတိုင်းဒေသကြီး၊ ကျောက်ပန်းတောင်းမြို့နယ် ရှိ သံဘိုချောင်းဖျားကျေးရွာ၊ သံဘိုအလယ်ရွာနှင့် သံဘိုရွာသစ် တို့တွင် နှစ်သက်တမ်းများစွာက တည်ရှိခဲ့သည့် ကြီးမားသော အင်ကြင်းကျောက်ဖြစ်ရုပ်ကြွင်းနှင့် သံချက်ဖိုများအား ရပ်ရွာအခြေပြု ခရီးစဉ်ဒေသတစ်ခုအဖြစ်ဖော်ဆောင်ရန် ဟော်တယ်နှင့် ခရီးသွားညွှန်ကြားမှု ဦးစီးဌာနမှ စီစဉ်ဆောင်ရွက်လျက်ရှိပါသည်။

အဆိုပါဒေသတွင် လေ့လာတွေ့ရှိချက်များအရ-

· တူးဖော်တွေ့ရှိထားသည့် အင်ကြင်းကျောက်ဖြစ်ရုပ်ကြွင်း ကျောက်ကြီးသည် မြေအနက် ၁၇ ပေခန့်တွင် အလျား ၇၄ ပေ၊ လုံးပတ် ၆ ပေ ၇ လက်မခန့်ရှိပြီး ဆက်လက်တူးဖော် ရန် ကျန်ရှိနေကြောင်း။

· ရှေးဟောင်းကျောက်ဖြစ်ရုပ်ကြွင်း ပရိုင်းမိတ်ဟုယူဆရသည့် ကျောက်ဖြစ်ရုပ်ကြွင်း အမျိုးအမည် ၁၀၀ ခန့် စုစည်း ထားရှိထားသော်လည်း ၇ မျိုးသာ သတ္တဝါတို့၏ ကျောက် ဖြစ်ရုပ်ကြွင်းဖြစ်ကြောင်း။

· ပုံတောင်ပရိုင်းမိတ်နှင့်တူသော နှစ်သန်းပေါင်း ၄,၀၀၀ ကျော်ခန့်ရှိ လူသားမျိုးနွယ်အစဟု ယူဆရသည့် ပုံစံတူအမျိုးအမည်မသိ ပရိုင်းမိတ် ကျောက်ဖြစ်ရုပ်ကြွင်းကိုလည်း ထပ်မံတွေ့ရှိခဲ့ကြောင်း။

· သံဘိုကျေးရွာသည် ပုပ္ပါးတောင်မကြီး ကိုးကွေ့သစ်တောကြိုးဝိုင်းနှင့် ကပ်လျက်တည်ရှိကာ အင်ကြင်းကျောက် များ စွာထွက်ရှိကြောင်း။

· သံဘိုချောင်းဖျားကျေးရွာ အရှေ့ဘက်မန်ကျည်းတောအတွင်း ပုဂံမင်းအဆက်ဆက်အား လက်နက်ဆက်သရသည့် သံချက်ဖိုအမြောက်အမြားရှိနေသေးပြီး  သံချေးခဲများကို သံချက်ဖိုများအနီး တွေ့ရှိခဲ့ကြောင်း။

· သံဘိုချောင်းဖျားကျေးရွာသည် မြန်မာပြည်အရပ်ရပ်မှ ဘုရားဖူးများကို တိုင်းရင်းဆေး ထုတ်လုပ်ရောင်းချသည့် ကျေးရွာတစ်ရွာဖြစ်ကြောင်း တွေ့ရှိခဲ့ပါသည်။

ကျောက်ဖြစ်ရုပ်ကြွင်းဝါသနာရှင်၊ ပညာရှင်များအနေဖြင့် ကျောက်ဖြစ်ရုပ်ကြွင်းများရှိရာ ကျောက်ပန်းတောင်းမြို့နယ် သံဘိုကျေးရွာသို့ လာရောက်လေ့လာလိုပါက ဟိုတယ်နှင့်ခရီးသွားညွှန်ကြားမှုဦးစီးဌာန၊ ပုဂံဌာနခွဲသို့ ဆက်သွယ်နိုင်ကြောင်း သိရှိရပါသည်။

• တူးဖော်တွေ့ရှိထားသည့် အင်ကြင်းကျောက်ဖြစ်ရုပ်ကြွင်းကျောက်ကြီးသည် မြေအနက် ၁၇ ပေခန့်တွင် အလျား ၇၄ ပေ၊ လုံးပတ် ၆ ပေ ၇ လက်မခန့်ရှိပြီး ဆက်လက်တူးဖော်ရန်ကျန်ရှိ။
• ရှေးဟောင်းကျောက်ဖြစ်ရုပ်ကြွင်း ပရိုင်းမိတ်ဟုယူဆရသည့် ကျောက်ဖြစ်ရုပ်ကြွင်း အမျိုးအမည် ၁၀၀ ခန့် စုစည်း ထားရှိထားသော်လည်း ၇ မျိုးသာ သတ္တဝါတို့၏ ကျောက်ဖြစ်ရုပ်ကြွင်းဖြစ်။
• ပုံတောင်ပရိုင်းမိတ်နှင့်တူသော နှစ်သန်းပေါင်း ၄,၀၀၀ ကျော်ခန့်ရှိ လူသားမျိုးနွယ်အစဟု ယူဆရသည့် ပုံစံတူ အမျိုးအမည်မသိ ပရိုင်းမိတ်ကျောက်ဖြစ်ရုပ်ကြွင်းကိုလည်း ထပ်မံတွေ့ရှိခဲ့။
• သံဘိုကျေးရွာသည် ပုပ္ပါးတောင်မကြီး ကိုးကွေ့သစ်တောကြိုးဝိုင်းနှင့် ကပ်လျက်တည်ရှိကာ အင်ကြင်းကျောက် များစွာ ထွက်ရှိကြောင်း။
• သံဘိုချောင်းဖျားကျေးရွာ အရှေ့ဘက်မန်ကျည်းတောအတွင်း ပုဂံမင်းအဆက်ဆက်အား လက်နက်ဆက်သရသည့် သံချက်ဖိုအမြောက်အမြားရှိနေသေးပြီး  သံချေးခဲများ၊ သံချက်ဖိုများ တွေ့ရှိ။