ပြည်ထောင်စုဝန်ကြီး ဒေါက်တာဌေးအောင် ရုရှားနိုင်ငံအခြေစိုက် Yi Ling Tourism ကုမ္ပဏီမှ Commercial Director ဖြစ်သူ Mr. Kosinkov Evgeny အား လက်ခံတွေ့ဆုံ

     ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာဌေးအောင်သည် ရုရှားနိုင်ငံအခြေစိုက် Yi Ling Tourism Co.,Ltd မှ Commercial Director ဖြစ်သူ Mr. Kosinkov Evgeny အား ဒီဇင်ဘာလ ၂ ရက်တွင် ဝန်ကြီးဌာန၊ နီလာခန်းမ၌ လက်ခံတွေ့ဆုံခဲ့ပါသည်။

တွေ့ဆုံရာတွင်-

• Mr. Kosinkov Evgeny က ရုရှားနိုင်ငံသားခရီးသည်များအနေနှင့် နိုင်ငံတကာတွင် အကျုံးဝင်သော အာမခံဝယ်ယူ၍ ခရီးသွားလာလျက်ရှိပြီး မြန်မာနိုင်ငံတွင် အာမခံ ထပ်မံရယူရ ခြင်းနှင့်စပ်လျဉ်း၍ ဖြေလျှော့ပေးစေလိုကြောင်း၊ ရုရှားနိုင်ငံမှ ခရီးသွားဧည့်သည်များအတွက် လေကြောင်းလိုင်းများပျံသန်းပြေးဆွဲရန် အပြည်ပြည်ဆိုင်ရာမြန်မာ့လေကြောင်းနှင့် ဆွေးနွေးဆောင်ရွက်လျက်ရှိကြောင်း၊ ခရီးသည်များ ငွေကြေးလွှဲပို့သုံးစွဲမှု လွယ်ကူအဆင်ပြေစေရေး ဆောင်ရွက်ပေးနိုင်ပါက ခရီးသည်များ ပိုမိုလာရောက်ရေး ဖိတ်ခေါ်နိုင်မည် ဖြစ်ကြောင်း ပြောကြားခဲ့။
• ပြည်ထောင်စုဝန်ကြီးက လေကြောင်းလိုင်း ပျံသန်းပြေးဆွဲမှုအနေနှင့် ယခင်အီတလီလေကြောင်းက မီလန်မြို့မှ ခရီးသည်များကို မြန်မာနိုင်ငံတွင် တစ်ထောက်နား၍ ဖူးခက်သို့ ပျံသန်းသကဲ့သို့ ပျံသန်းနိုင်သည့် သာဓကများရှိကြောင်း၊ ယခုလည်း အပြည်ပြည်ဆိုင်ရာမြန်မာ့လေကြောင်းမှ ခရီးစဉ်များ စီစဉ်နေသည်ဟု သိရှိရကြောင်း၊ ခရီးသွားအာမခံကြေး နှင့်စပ်လျဉ်း၍ သက်ဆိုင်ရာဌာနများနှင့် ညှိနှိုင်းပေးသွားမည်ဖြစ်ကြောင်း၊ ခရီးသွားများလာရောက်ပါက ၎င်းတို့၏ငွေကြေးသုံးစွဲမှု အဆင်ပြေစေရေး ဆောင်ရွက်ပေးသွား မည်ဖြစ်ကြောင်း၊ မြန်မာ-ရုရှားနှစ်နိုင်ငံချစ်ကြည်ရင်းနှီးစွာ ဆက်ဆံမှုတိုးမြင့်လာသည်နှင့်အမျှ ခရီးသွားလုပ်ငန်းပူးပေါင်းဆောင်ရွက်ရေးကိုလည်း ဆောင်ရွက်နေကြောင်း၊ လိုအပ် သည်များကို ညှိနှိုင်းပေါင်းစပ်ပေးမည်ဟု ပြန်လည် ပြောကြားခဲ့။

တွေ့ဆုံပွဲသို့ ဝန်ကြီးဌာနမှ ညွှန်ကြားရေးမှူးချုပ်များ၊ ဘာသာရပ်တာဝန်ခံများ ပါဝင်တက်ရောက်ခဲ့ကြောင်း သိရှိရပါသည်။      

သတင်းရင်းမြစ်။ (မြဝတီသတင်းစာ ၃-၁၂-၂၀၂၂)

• Mr. Kosinkov Evgeny က ရုရှားနိုင်ငံသားခရီးသည်များအနေနှင့် နိုင်ငံတကာတွင် အကျုံးဝင်သော အာမခံဝယ်ယူ၍ ခရီးသွားလာလျက်ရှိပြီး မြန်မာနိုင်ငံတွင် အာမခံ ထပ်မံရယူ ရခြင်းနှင့်စပ်လျဉ်း၍ ဖြေလျှော့ပေးစေလိုကြောင်း ပြောကြားခဲ့။

• ပြည်ထောင်စုဝန်ကြီးက ခရီးသွားအာမခံကြေးနှင့်စပ်လျဉ်း၍ သက်ဆိုင်ရာဌာနများနှင့် ညှိနှိုင်းပေးသွားမည်ဖြစ်ကြောင်း၊ ခရီးသွားများလာရောက်ပါက ၎င်းတို့၏ငွေကြေးသုံးစွဲမှု အဆင်ပြေစေရေး ဆောင်ရွက်ပေးသွားမည်ဖြစ်ကြောင်း၊ မြန်မာ-ရုရှား နှစ်နိုင်ငံချစ်ကြည်ရင်းနှီးစွာ ဆက်ဆံမှုတိုးမြင့်လာသည်နှင့်အမျှ ခရီးသွားလုပ်ငန်းပူးပေါင်းဆောင်ရွက်ရေး ကိုလည်း ဆောင်ရွက်နေကြောင်း ပြောကြားခဲ့။