SEAGF COUNCIL အစည်းအဝေးသို့ အားကစားနှင့်လူငယ်ရေးရာဝန်ကြီးဌာန ပြည်ထောင်စုဝန်ကြီးတက်ရောက်

ကမ္ဘောဒီးယားနိုင်ငံ Borei Angkor Resort and Spa ၌ ဧပြီလ ၁၀ ရက်တွင် ကျင်းပသည့် SEAGF COUNCIL အစည်းအဝေးသို့ မြန်မာနိုင်ငံအိုလံပစ်ကော်မတီဥက္ကဋ္ဌ အားကစားနှင့်လူငယ်ရေးရာဝန်ကြီးဌာန ပြည်ထောင်စုဝန်ကြီး ဦးမင်းသိန်းဇံ၊ SEAGF COUNCIL အဖွဲ့ဝင်များနှင့် တာဝန်ရှိသူများက နေပြည်တော် ဝဏ္ဏသိဒ္ဓိအားကစားကွင်း အစည်းအဝေးခန်းမမှ ဗီဒီယိုကွန်ဖရင့် စနစ်ဖြင့် တက်ရောက်ခဲ့ကြပါသည်။

အစည်းအဝေးတွင် ကမ္ဘောဒီးယားနိုင်ငံမှ တာဝန်ရှိသူများက ကြိုဆိုနှုတ်ခွန်းဆက်စကားနှင့် အဖွင့်အမှာစကားများ အသီးသီးပြောကြားခဲ့ပြီးနောက် မြန်မာနိုင်ငံအိုလံပစ်ကော်မတီဥက္ကဋ္ဌ အားကစားနှင့်လူငယ်ရေးရာဝန်ကြီးဌာန ပြည်ထောင်စုဝန်ကြီးဦးမင်းသိန်းဇံက-

· အရှေ့တောင်အာရှဒေသတွင်း၌ အားကစားလှုပ်ရှားမှုများ ဖွံ့ဖြိုးတိုးတက်စေရန်နှင့် မြှင့်တင်ရေးဆောင်ရွက်မှုများတွင် ရှေ့ဆက်ပူးပေါင်းဆောင်ရွက်သွားရန် မျှော်လင့်ပါကြောင်း။

· ကမ္ဘောဒီးယားနိုင်ငံ၌ အိမ်ရှင်အဖြစ်လက်ခံကျင်းပမည့်   32^nd SEA Games အတွက် အစစအရာရာ အောင်မြင်စေရန် ဆုမွန်ကောင်းတောင်းပေးပါကြောင်းနှင့် လာမည့် ဗီယက်နမ်နိုင်ငံတွင် ကျင်းပမည့် 31^st SEA Games တွင် တွေ့ဆုံရန်မျှော်လင့်ပါကြောင်း ပြောကြားခဲ့ပါသည်။

အစည်းအဝေးတွင် ဗီယက်နမ်နိုင်ငံနှင့် ကမ္ဘောဒီးယားနိုင်ငံတို့မှ  SEA Games ကျင်းပရေးကော်မတီတာဝန်ရှိသူများက  31^st SEA Games နှင့် 32^nd SEA Games တို့နှင့်ပတ်သက်သည့် အချက်အလက်များ၊ 32^nd Combodia SEA Games တွင် ထည့်သွင်းကျင်းပမည့် အားကစားနည်း အမျိုးအစားများ၊ ကျင်းပမည့်နေရာများနှင့် ပြင်ဆင်ဆောင်ရွက်ထားရှိမှုများကို ရှင်းလင်းပြောကြားခဲ့ကြောင်း သိရှိရပါသည်။

• ကမ္ဘောဒီးယားနိုင်ငံ Borei Angkor Resort and Spa တွင် ကျင်းပသည့် SEAGF COUNCIL အစည်းအဝေးသို့ ပြည်ထောင်စုဝန်ကြီးဦးမင်းသိန်းဇံနှင့် တာဝန်ရှိသူများက နေပြည်တော်ဝဏ္ဏသိဒ္ဓိအားကစားကွင်း အစည်းအဝေးခန်းမမှ ဗီဒီယိုကွန်ဖရင့်စနစ်ဖြင့် တက်ရောက်ခဲ့။
• ဗီယက်နမ်နိုင်ငံနှင့် ကမ္ဘောဒီးယားနိုင်ငံတို့မှ  SEA Games ကျင်းပရေးကော်မတီတာဝန်ရှိသူများက 31^st SEA Games နှင့် 32^nd SEA Games တို့နှင့်ပတ်သက်သည့်အချက်အလက်များ၊ 32^nd Combodia SEA Games တွင် ထည့်သွင်းကျင်းပမည့် အားကစား နည်းအမျိုးအစားများ၊ ကျင်းပမည့်နေရာများနှင့် ပြင်ဆင်ဆောင်ရွက်ထားရှိမှုများကို ရှင်းလင်းပြောကြားခဲ့။