အစွန်းရောက်အကြမ်းဖက်သောင်းကျန်းသူများသည် အပြစ်မဲ့ခရီးသွားပြည်သူ လူထုအား ထိခိုက်ဒဏ်ရာရရှိစေရန်နှင့် ဒေသတွင်းလမ်းပန်းဆက်သွယ်မှုများ ပြတ် တောက်စေရန်နှင့် တရားဥပဒေစိုးမိုးရေး ထိခိုက်ပျက်ပြားစေရန် ရည်ရွယ်၍ အများပြည်သူသွားလာနေသော လမ်းမကြီးများ၊ လမ်းများနှင့် ဌာနဆိုင်ရာရုံးများအား လက်လုပ်ဗုံး၊ လက်လုပ်မိုင်းများဖြင့် မိုင်းထောင်ဖောက်ခွဲတိုက်ခိုက်ခြင်းများ ပြုလုပ်လျက်ရှိပါသည်။
စစ်ကိုင်းတိုင်းဒေသကြီး၊ မင်းကင်းမြို့နယ်၊ အထက်စသာကျေးရွာနေ ဦးစိုးရာဇာ (၂၉)နှစ်တို့ မိသားစုဝင် ၇ ဦး လိုက်ပါလာသည့် Honda Fit ယာဉ်သည် ဧပြီလ ၅ ရက်တွင် ကလေးဝ-ယာကြီးကားလမ်းအတိုင်း မင်းကင်းမြို့မှ ကလေးမြို့သို့ ထွက်ခွာလာစဉ် ကလေးဝမြို့နယ်၊ သဲကြမ်းကျေးရွာအနီးသို့အရောက် PDF အကြမ်းဖက်သမားများ ထောင်ထားသည့်လက်လုပ်မိုင်း ၁ လုံး နင်းမိပေါက်ကွဲခဲ့ပါသည်။ လက်လုပ်မိုင်းပေါက်ကွဲမှုကြောင့် ဦးစိုးရာ ဇာအပါအဝင် ၅ ဦး တို့သည် မိုင်းစထိမှန် ဒဏ်ရာများကြောင့် နေရာတွင်သေဆုံးခဲ့ပြီး အမျိုးသား ၁ ဦးတွင် မိုင်းစထိမှန်ဒဏ်ရာရရှိခဲ့သဖြင့် ဆေးဝါးကုသနိုင်ရေး ကလေးမြို့နယ်၊ ပြည်သူ့ဆေးရုံသို့ ပို့ဆောင်ထားရှိကြောင်း၊ မမိုးစန္ဒာမြင့်မှာ ပျောက်ဆုံးလျက်ရှိကြောင်းနှင့် မိုင်းထိမှန်မှုကြောင့် မော်တော်ယာဉ်မှာ ကြေမွပျက်စီးသွားကြောင်း သိရှိရပါသည်။
ဖြစ်စဉ်မှအပြစ်မဲ့ခရီးသွားပြည်သူများအားမိုင်းထောင်ဖောက်ခွဲခဲ့သူအကြမ်းဖက်သမားများအားဥပဒေနှင့်အညီထိရောက်စွာအရေးယူနိုင်ရေးလုံခြုံရေးတပ်ဖွဲ့ဝင်များကစုံစမ်းဖော်ထုတ်လျက်ရှိပါသည်။
- ကလေးဝမြို့နယ်၌ PDF အကြမ်းဖက်အဖွဲ့များ ထောင်ထားသည့် လက်လုပ်မိုင်းအား နင်းမိပေါက်ကွဲပြီး အပြစ်မဲ့ပြည်သူ ၅ ဦးသေဆုံး၊ အမျိုးသား ၁ ဦး ဒဏ်ရာ ရ၍ အမျိုးသမီး ၁ ဦး ပျောက်ဆုံးခဲ့။
- အစွန်းရောက်အကြမ်းဖက်သောင်းကျန်းသူများသည် အေးချမ်းစွာနေထိုင်လျက် ရှိသော ခရီးသွားပြည်သူလူထုများအား ထိခိုက်ဒဏ်ရာရရှိစေရန်နှင့် ဒေသတွင်း လမ်းပန်းဆက်သွယ်မှုများ ပြတ်တောက်၍ တရားဥပဒေစိုးမိုးမှုအား ထိခိုက်ပျက်ပြားစေရန် ရည်ရွယ်၍ အများပြည်သူသွားလာနေသော လမ်းမကြီးများ၊ လမ်းများနှင့် ဌာနဆိုင်ရာရုံးများအား လက်လုပ်ဗုံး၊ လက်လုပ်မိုင်းများဖြင့် မိုင်း ထောင်ဖောက် ခွဲခြင်း၊ ပစ်ပေါက်ခြင်းများ ပြုလုပ်လျက်ရှိ။
Add new comment