မန္တလေးတိုင်းဒေသကြီး၊ ချမ်းမြသာစည်မြို့နယ်နှင့် ပြည်ကြီးတံခွန်မြို့နယ်တို့၌ အကြမ်းဖက်ဖောက်ခွဲတိုက်ခိုက်ရန် လက်လုပ်မိုင်းထောင်နေစဉ် ပေါက်ကွဲမှုဖြစ်ပွား၍ အကြမ်းဖက်သမားများသေဆုံး

အကြမ်းဖက်အဖွဲ့အစည်းအဖြစ် သတ်မှတ်ထားသည့် NUG အဖွဲ့၏ စေခိုင်းချက်ဖြင့် PDF အကြမ်းဖက်သမားများက ဖေဖော်ဝါရီလ ၂၇ ရက်တွင် မန္တလေးတိုင်းဒေသကြီးအတွင်းရှိ မြို့နယ် ၂ မြို့နယ်၌ အများပြည်သူများသွားလာလျက်ရှိသည့်လမ်းတွင် လက်လုပ်မိုင်းများထောင်နေစဉ် ဖောက်ခွဲမှုဖြစ်ပွားပြီး မိုင်းထောင်သည့် အကြမ်းဖက်သမားများ သေဆုံးခဲ့ပါသည်-

• မန္တလေးတိုင်းဒေသကြီး၊ ချမ်းမြသာစည်မြို့နယ်ရှိ ၇၃ လမ်း နှင့် ၁၀၇ လမ်း ထောင့် ၌ အမျိုးသား ၂ ဦးက ဆိုင်ကယ် ၁ စီးဖြင့်ရောက်ရှိလာပြီး လက်လုပ်မိုင်းထောင်နေစဉ် ပေါက်ကွဲမှုဖြစ်ပွားခဲ့ရာ ပေါက်ကွဲမှုကြောင့် အကြမ်းဖက်သမား ၂ ဦးတွင် မိုင်းစ ထိမှန်ဒဏ်ရာများရရှိကာ သေဆုံးခဲ့ကြောင်းနှင့် ၎င်းတို့အနီးမှ ပစ္စတိုသေနတ် ၁ လက်၊ ၎င်းကျည်အိမ် ၁ ခု၊ ၉ မမ ကျည်ဆံ ၁၄ တောင့်၊ လက်လုပ်မိုင်း ၂ လုံး တို့အား သိမ်းဆည်းရမိခဲ့၊၊
• မန္တလေးတိုင်းဒေသကြီး၊ ပြည်ကြီးတံခွန်မြို့နယ်ရှိ ရတနာပုံတက္ကသိုလ်မီးပွိုင့်အနီး အကြမ်းဖက်သမား ၁ ဦးက လက်လုပ်မိုင်းအား ဆိုင်ကယ်တူးဘောက်စ်အတွင်း ထည့်၍မောင်းနှင်လာစဉ် ပေါက်ကွဲမှုဖြစ်ပွားခဲ့ပြီး ပေါက်ကွဲမှုကြောင့် ၎င်း၏ ခန္ဓာကိုယ်အောက်ပိုင်းပြတ်ထွက်ဒဏ်ရာရရှိကာ သေဆုံးခဲ့။

အလုံးစုံပျက်သုဉ်းရေးလမ်းစဉ်အရ NUG ၏စေခိုင်းချက်ဖြင့် PDF အကြမ်းဖက်သမားများက နိုင်ငံတော်ပိုင်၊ ပုဂ္ဂလိကပိုင်အဆောက်အဦများ၊ စစ်ရေးနှင့်မသက်ဆိုင်သည့် ပြည်သူပိုင်အိုးအိမ်များနှင့်လမ်းများအား အကြောင်းမဲ့ဖောက်ခွဲဖျက်ဆီးမှုများကြောင့် အများပြည်သူများ၏ အကျိုးစီးပွားများ၊ လမ်းပန်းဆက်သွယ်ရေး ခက်ခဲမှုများဖြစ်ပေါ် ခဲ့ပြီး အများပြည်သူ စိုးရိမ်ထိတ်လန့်မှုဖြစ်စေရန် လုပ်ဆောင်ခဲ့မှုအပေါ် ပြည်သူတစ်ရပ်လုံးက ရွံ့ရှာမုန်းတီးလျက်ရှိပါသည်၊၊

အထက်ပါပေါက်ကွဲမှုဖြစ်စဉ်များမှ သေဆုံးသူများအား တာဝန်ရှိသူများက ရဲလုပ်ငန်းစဉ်များနှင့်အညီ သေမှုသေခင်းရေးဖွင့်ဆောင်ရွက်လျက်ရှိကြောင်း သိရှိရပါသည်။ 

• ဖေဖော်ဝါရီလ ၂၇ ရက်တွင် မန္တလေးတိုင်းဒေသကြီး၊ ချမ်းမြသာစည်မြို့နယ်၌ အမျိုးသား ၂ ဦး လက်လုပ်မိုင်းထောင်နေစဉ် ပေါက်ကွဲမှုဖြစ်ပွားခဲ့ရာ ပေါက်ကွဲမှုကြောင့် အကြမ်းဖက်သမား ၂ ဦးတွင် မိုင်းစထိမှန်ဒဏ်ရာများရရှိကာ သေဆုံးခဲ့ပြီး ၎င်းတို့အနီးမှ ပစ္စတိုသေနတ် ၁ လက်၊ ၎င်းကျည်အိမ် ၁ ခု၊ ၉ မမ ကျည်ဆံ ၁၄ တောင့်၊ လက်လုပ်မိုင်း ၂ လုံးတို့အား သိမ်းဆည်းရမိခဲ့၊၊
• မန္တလေးတိုင်းဒေသကြီး၊ ပြည်ကြီးတံခွန်မြို့နယ်ရှိ ရတနာပုံတက္ကသိုလ်မီးပွိုင့်အနီး အကြမ်းဖက်သမား ၁ ဦးက လက်လုပ်မိုင်းအား ဆိုင်ကယ်တူးဘောက်စ်အတွင်း ထည့်၍မောင်းနှင်လာစဉ် ပေါက်ကွဲမှုဖြစ်ပွားခဲ့ပြီး ပေါက်ကွဲမှုကြောင့် ခန္ဓာကိုယ်အောက်ပိုင်းပြတ်ထွက်ဒဏ်ရာရရှိကာ သေဆုံးခဲ့။